Xut sa hnam pơgia, hnam hnăt hnot jơnei 95%
Thứ năm, 14:33, 10/07/2025
VOV/Amazưt tơblơ̆
VOV/Amazưt tơblơ̆
VOV4.Bahnar - Truh dang ei, lơ̆m teh đak tơgŭm djru ming man păng hơmet ming đei hloh 264.000 lơ̆m 274.000 pơbŭng hnam (jơnei 95% trong tơlĕch jang). Lơ dêh char, pơlei tơm hlôi đei trong jang hơ iă, chă hơvơn dơ̆ng kon jên jang ou to vă iung jang, hlôi iŏk đei jơnei kơtang dăh mă keh đang hloh trong tơlĕch ăn.
‘Nou tơdrong kơtơ̆ng ang đei ƀok Đỗ Văn Chiến, Kơdră chĕp pơgơ̆r Hơnih bơ̆ jang Trung ương MTTQ Việt Nam tơbăt tơ̆ Hop akŏm năr 9/7. Teh đak păng rim khul jang tơpôl hlôi tơmơ̆t jên jang hloh 17.800 ti hlak jên, chă hơvơn 100.000 ‘nu bơngai vang iung jang tơgŭm djru bơngai dơnuh tơ iung pơjing ming man ‘nao, ming hơmet hnam oei. Hlôi đei 18 dêh char jang keh đang Tơdrong jang. Pă 16 dêh char gô jang keh đang lơ̆m khei 8 kơnh vă kơ kuh chơt hơ iă Quốc khánh 2/9 păng Kĕch mang khei Tơhngam jơnei. Ƀok Đỗ Văn Chiến sơkơ̆t hơdăh, tơdrong jang xut xa hnam pơgia hnam hnăt hnot tơpă lang să kơtang truh rim hơnih jang kơ Mặt trận vang iung jang, kiơ̆ yok ‘lơ̆ng tơdrong đei, tơgop lang să khul jang tơgŭm djru dôm bơngai oei mơmat tat.
Viết bình luận