Thủ tướng athei rim anih tơm, anih jang, tơring hơtŏk jơhngơ̆m đon “athei đơ̆ng plei nuih”, khŏm jang đang hơnăp jang man, pơm hơmet ming hnam oei, hơmet ăn kon pơlei oei tơ̆ plei hle ăn pơđĭ ŭnh hnam đei hnam păk pơchăh, hơlih, đak jroh hoch yua đơ̆ng ‘mi kial đak tih pơrăm hơdrol kơ ‘năr 31/1/2026.

Pơma pơtôch, Thủ tướng pôk pơ ư tơdrong hơdrin đơ̆ng rim anih jang, tơring lơ̆m 11 khei blŭng sơnăm, tơƀôh hơdăh dôm jơnei gĭt kăl iŏk đei lơ̆m rim tơdrong jang. Khŭl kơdră teh đak vang tơgŭm mơmat tat hăm rim tơring đei ƀơm ưh kơ ‘lơ̆ng đơ̆ng ‘mi kial đak tih, chih iŏk jơhngơ̆m đon ‘mêm băl đơ̆ng đĭ đăng tơpôl păng tơlĕch jang “Tơdrong jang Quang Trung” hơvơn đĭ đăng jên, tơmam, bơngai jang hơmet pơ ‘lơ̆ng hiong răm đơ̆ng ‘mi kial đak tih pơrăm, vei sơđơ̆ng rim kon pơlei đei hnam oei, sơng Tết Nguyên đán Bính Ngọ 2026 sơđơ̆ng, tơnŏ hiôk.