Hla bơar pơma hơdăh rim dêh char đei răm kơtang nhen Hà Tĩnh, Quảng Trị, Thừa Thiên Huế, Đà Nẵng, Quảng Ngãi, Gia Lai, Đắk Lắk, Khánh Hòa, Lâm Đồng … kăl pơjing trong iung jang mă hơdăh, sơkơ̆t hơdăh ming man hnam ‘nao dôm yơ, hnam ming hơmet dôm yơ, iung jang kiơ̆ lơ liơ păng pơjao hơdăh jang chĕp pơgơ̆r pơrô̆ jang, dăr lăng. Hla bơar chih tơbăt kăl pơtruh ăn hloi rim giĕng hơdrol kơ 3 jơ kơsơ̆ năr pơđăm, atum hăm hla bơar chih tơbăt hơdăh găh jang keh đang hnam dôm yơ vă tơgum ăn bơ̆ jang chih akŏm kơ rim hơnih tơm. Hơnih tơm vei lăng Tơ iung pơjing ming man đei pơjao sơđơ̆ng măh mai tơmam ming man, veh ver gơ̆t tơmam drăm, tŏk kơjă; Hơnih jang dăr lăng Khul kơdră teh đak dăr lăng hơlen vă tang găn tơdrong pơhoach brăh brư.