Pơma ah Hop akŏm, Tổng Bí thư Tô Lâm bơnê kơ tơdrong hơdrin, yuk hơlou păng dôm tơdrong jang đei jơnei đơ̆ng Đảng uy Kŏng an Trung ương, Anih tơm Kŏng an lơ̆m sơnăm 2025. Pơgơ̆r minh ƀar tơdrong jang tơm lơ̆m khei năr truh, Tổng Bí thư Tô Lâm akhan, khul Kŏng an kon pơlei akŏm tôm khul jang vă vei sơđơ̆ng tơpôl, vei sơđơ̆ng ăn Hop akŏm bơngai tang măt jơ̆p teh đak 'măng 14 kơ Đảng păng tơdrong pôk rơih bơngai tang măt ăn Kuô̆k hô̆i jăl 16, pôk rơih bơngai tang măt ăn Hô̆i đŏng kon pơlei jăl jang 2026 -2031.

Tổng Bí thư Tô Lâm ră hơdah, vă jang đei jơnei Tơchơ̆t Hop akŏm mă 14 păng dôm tơchơ̆t jang đơ̆ng Đảng athei hơdrin tih tên, jang kơtang đơ̆ng tôm Đảng, tôm kon pơlei, tôm khul linh hăm pơkăp tôm noh kơyuơ tơdrong hơtŏk tơ-iung kơ teh đak, kơyuơ tơdrong jơnap ăn kon pơlei; lơ̆m noh tơdrong tơgop đơ̆ng khul Kŏng an kon pơlei jĭ kăp gĭt tơpă.