Pơma pơtôch jơ pơm jang, Phŏ Thủ tướng Phạm Thị Thanh Trà tơrĕk, kăl hơdrin păng akŏm pơm jang kơchăng hloh dơ̆ng kơlih mưh ưh jang tenh noh gô tơnap keh đang tôm sơnong jang đei pơjao. Gah pơkăp anih sơnong jang, Phŏ Thủ tướng akhan, chih akŏm rah, hơlen lăng, mă tơm noh vă pơm trong chih khôi luơ̆t gơh tôm tơdrong, tơgŭm ăn dôm hơnih jang tơm, rim hơnih jang păng rim tơring ƀônh ƀŏ hloh lơ̆m pơkăp hơnih păng sơnong pơm jang.

Hăm tơchơ̆t gah hơlen pơkăp kan ƀô̆, bơngai jang Phŏ Thủ tướng ră hơdah, athei hơlen sơkơ̆t mă hơdah, mă kăl gah trong hơlen pơkăp kiơ̆ tơdrong tơm truh khul pơm jang. Anih tơm Nô̆i vŭ athei iŏk nơ̆r tơgop tôm; lơ̆m tơdrong iŏk nơ̆r tơgop, Anih tơm gô pơtoi keh đang tơdrong chih akŏm.