Kon pơlei Gia Lai lăp đon hăm trong jang jơnei kơdră tơring 2 kâp
Thứ năm, 14:33, 10/07/2025 VOV Tây Nguyên/Amazưt tơblơ̆ VOV Tây Nguyên/Amazưt tơblơ̆
VOV4.Bahnar - Trong jang khul kơdră chĕp pơgơ̆r ƀar kâp ‘măng mă blŭng hlôi iŏk đei jơnei hơ iă lơ̆m hơmet trong bơ̆ jang, tơgop lơ̆m tơ iung pơjing khul kơdră bơ̆ jang pơvih pơvăn ăn, kơ yuơ kon pơlei.

 

Đơ̆ng rŏng mĭnh giĕng tơlĕch jang kiơ̆ trong jang Khul kơdră chĕp pơgơ̆r tơring ƀar kâp tơ̆ rim tơring, phương, dêh char Gia Lai hlôi đei ƀôh hơdăh trong jang ‘lơ̆ng hơ iă. Tơdrong lăp đon đơ̆ng kon pơlei đei tơbăt hơdăh mưh tơdrong bơ̆ jang đơ̆ng rim hơnih bơ̆ jang teh đak đei tơnăp ‘lơ̆ng. Kiơ̆ đơ̆ng yă Nguyễn Thị Minh Nguyệt-Kơ iĕng Kơdră chĕp pơgơ̆r Hơnih vei lăng kon pơlei phương, Kơdră chĕp pơgơ̆r Hơnih tơm bơ̆ jang pơm hla bơar teh đak phương Quy Nhơn, tơdrong sơng iŏk păng pơm hô sơ lơ̆m giĕng jei tơlĕch jang tôch ‘lơ̆ng hơ iă, ưh kơ đei tơdrong jang ưh kơ keh đang lê̆ năr đơ̆ng rŏng pơm pơkeh dăh mă pơm hiơ̆ hyĭn. Đơ̆ng rŏng mĭnh giĕng iung jang trng bơ̆ jang khul kơdră chĕp pơgơ̆r tơring 2 kâp, lơ̆m dêh char Gia Lai hlôi sơng iŏk đei hloh 11.500 hồ sơ, lơ̆m ou hloh 6.000 hồ sơ găh lơ̆m tơring gơh pơm ăn. Hloh 4.500 hồ sơ lơ̆m kơsô̆ ou hlôi đei pơm keh đang. Trong jang khul kơdră chĕp pơgơ̆r ƀar kâp ‘măng mă blŭng hlôi iŏk đei jơnei hơ iă lơ̆m hơmet trong bơ̆ jang, tơgop lơ̆m tơ iung pơjing khul kơdră bơ̆ jang pơvih pơvăn ăn, kơ yuơ kon pơlei.

VOV Tây Nguyên/Amazưt tơblơ̆

Viết bình luận

TIN CÙNG CHUYÊN MỤC

Video