Kơsơ̆ brei, 27/7, tơ̆ Điện Biên, Tổng Bí thư Tô Lâm pơgơ̆r jơ bơ̆ jang hăm Khul kơdră chĕp kơ̆l Đảng ƀô̆ dêh char găh tơlĕch jang dôm tơdrong tơchơ̆t, Nơ̆r pơtho đơ̆ng Trung ương, tơm hlŏh jĭ tơdrong pơgơ̆r Hop akŏm Đảng jơ̆p tơring păng hơmet ming khul kơdră pơgơ̆r, anih vei lăng. Tổng Bí thư pôk pơ ư đon jang tơnăp, pơ̆n tơplih ‘nao păng plang pơyơ̆r đơ̆ng đĭ đăng Đảng ƀô̆, khul kơdră tơring, khul linh, anih tĕch mơdro păng kon pơlei dôm hơdrĕch hơdrung lơ̆m dêh char. Hơiă hlŏh jĭ tơdrong jang tŏk GRDP vă jê̆ 9% lơ̆m sơnăm păng sơng đei hlŏh 95.000 ti hlak jên tơmât jang lơ̆m tơpôl.

Tổng Bí thư Tô Lâm athei tơ̆ hơnăp kơnh, dêh char Điện Biên athei năng tơdrong hơmet ming Khul kơdră pơgơ̆r kiơ̆ trong chĕp kơ̆l pơgơ̆r 2 tăl ‘nŏh jĭ tơdrong jang chinh trĭ tơm; athei chih hơdăh tơdrong hơmet ming ưh lăp dơ̆ng ƀât khul jang đech mă athei hue lăng truh tơdrong kăl mưh kăt tơjur bơngai jang vă gơ̆h hơtŏk đon rơgei, bơ̆ jang đei yoa ‘lơ̆ng, hŭt ƀiơ̆ anih pơm kơdranh hơlam ưh kơ kăl, atŭm hăm ‘nŏh hơtŏk hơnăp jang ăn rim bơngai, vei lăng ‘lơ̆ng tơdrong chĕp kơ̆l pơgơ̆r.