Tổng Bí thư pơma hơdăh, Việt Nam hơdrol đơ̆ng rŏng nhen mĭnh ‘meh vă atŏk kơtang jang hơdoi ƀar păh teh đak lơ̆m rim tơdrong, kơ yuơ đei iŏk yua atŭm kơ ƀar teh đak, kơ yuơ rơngei hiôk hian, jang hơdoi păng atŏk tơ iung tơ̆ tơring păng lơ̆m apŭng plĕnh teh. Khei năr ou kơnh, vă tơgop hơmet pơ ‘lơ̆ng păng atŏk tơ iung hloh dơ̆ng tơgoăt tơgoăl joăt joe đơ̆ng sơ̆ Việt Nam - Belarus, Tổng Bí thư Tô Lâm ‘meh vă păng athei hơnơ̆ng pơgơ̆r rim ‘măng chă tơƀơ̆p dih băl ‘lơ̆ng hơ iă hloh dơ̆ng, hơvơn đei lơ hloh dơ̆ng tơdrong vang năm đơ̆ng rim răih kon pơlei, rim bơngai khoa hŏk, hơnih mơdro sa păng mă kăl jơhnơr mơlôh, tơgŭm ăn jơhnơr mơlôh ƀar teh đak sa roi băt hlôh ƀôh hơdăh hloh dơ̆ng păng tơgoăt tơgoăl dih băl kơjăp hloh dơ̆ng, vă hơmet pơ ‘lơ̆ng tơgoăt tơgoăl ƀar kon pơlei ƀar teh đak Việt Nam - Belarus roi năr roi kơjăp iăp kơtang.