Dom adat cambat mengkan di urang Cam ndom tal chu kỳ tamuh tabiak saong cakrok di phun padai. Hu adat kuaic ribong, ngak binek, adat likau kajap kro, adar trun hamu, adat padang chòi liua, adat uan dom tukvak cakrok di phun padai…Taong abih bruk nan jeng brei mboh hatai caong khin ka sa bilan pala drak siam mekre,hajan siam angin lagaih saong sa raidiuk ginup meda. Daa mikva saong grauk yut pang kadha vak di urang vak Việt Phú ndom ka makna di adat ngak nong di urang Cam Ninh Thuan tapa kadha “ dom bangsa adei saai”: ​

Atah di ban Phan Rang –Tháp Chàm 30km jalan, ban sit Tân Sơn, huyện Ninh Sơn, tỉnh Ninh Thuận meng lavik mai danei angan haong bruk ngak gai duh meng kayau pablei ka urang pandar. Gai duh Tân Sơn hu rilo urang pandar kayua pandar dak lavik harei dak jangaih mekre.

Dom urang kumei Thái tuk hlei jeng mboh mekre meta angui cuh blah ao cóm, mbuk palao atah. Dom gheih mekre nan dak mekre gheih jang mai meng blah tanyiak siuk khan piêusambo hadah, ndung bak dalam nan hatung hatai suan yawa di urang kumei bangsa Thái. siuk tanyiak khan piêu, lac pandap oh kurang hu di urang bangsa kumei thái, meng lavik mai hu tame cih vak jeng dalam ariya, dalam kadha daoh saong hu rilo menuac thau tal. dalam sap thái, “ piêu” hu makna lac siuk khan me-om di urang kumei Thái.

Pathau mik va! Ngan song urang Khmer, piêng (cốm dẹp) lac pandap (mbang chính) piah pok paling yang ia bilan, lac yang khik iek phun pala song langik tasik, daong ka hajan siam, hangin lagaih piah ka bruk pala drak, rong glang hu siam mekre, ngak mbang hu ginup meda. Kayua Yau nan ye, di harei 15 bilan 10 saka ia bilan yaok thun , urang Khmer peih ngak lễ hội Ok Ombok song ngak pieng piah pok paling yang ia bilan. Dalam kadha “dom bangsa adei saai” harei ni, daa mik va song tong abih gauk duah thau ka makna, adat caraok pieng di urang Khmer Nam bộ:

Thau hu yaom glaong di mbaik khèn dalam rai diuk saong tâm linh di bhap bani drei, ong Hờ A Súa, bangsa Mông daok di bản Suối Lành C, xã Hang Chú, huyện Bắc Yên, tỉnh Sơn La oh lac biak takre yuk khèn, bo daok ravai duah, caik tukvak ngak tabiak khèn. Dom mbaik khèn hu ong ngak mboh biak mekre, kajap, yau mbaik khèn meng kan di bangsa Mông hu mikva dom bhum takre, duah tal labik piah pablei. Vừ Chu, urang vak di rayo sap ndom VN daok di Tây Bắc hu kadha vak khan brei ka mikva saong taong abih gauk thau ka hatai caong khik ramik ilamo bangsa di ong Hờ A Súa tapa kadha “Dom bangsa adei sa-ai”:

Tui dom urang roh duah, alat ragam di urang Cam H’roi gam brei mboh bruk taom gaok lai tame gauk haong ilamu di dom bangsa takik di Trường Sơn – Tây Nguyên, gam ndung bak ilamu karei di urang Cam H’roi. Hu yau nan mai meng bruk diuk rai suia lavik di bhum glaong, jaik taphia urang Ba-na, Ê –đê…, min daok khiK veik hu dom ilamu di bangsa Cam, di asal urang Mã lai-đa đảo.

Pathau mik va song tong abih gauk! Ndom tal pandap mbang di urang Thái Sơn La, hu sa janih ia tut biak bingi, hu angan oh alah hagait chẳm chéo, mẳm cá, Thô ố, nan lac mẳm hén...Meng dom pandap hu di glai, di ceik, tapa plak tangin di dom amaik, dom saai hu ngak jeng dom janih ia tut pahe, bingi kan var hu. Dala kadha “ Dom bangsa adei saai ‘ adit ni, Lường Huyền, urang vak di rayo sap ndom Việt Nam dok di Tây Bắc hu kadha vak khan ka ia tut " Mẳm hén" di mik va urang Thái Sơn La.

Oh thau meng tuk halei mai, bruk menyim jih dahlah hu kak kajap saong dom rairah bhapbini Cam palei Phũm Soài, xã Châu Phong, ban sit Tân Châu, tỉnh An Giang. Yaom lac rah tapa rilo mbang trun, tagok, min bhapbini di palei ngak ini jeng daok kak kajap saong bruk ngak di muk kei caik veik ini ka tal harei ini. Dalam dom urang nan, urang kumei Cam angan Safinah lac urang abih hatai rik daong piah ngak brei medheih tagok veik bruk menyim jih dahlah mengkan yau urak ini. Dalam kadha “ Dom bangsa adei saai” adit ini, daa mikva…… nao ravang palei menyim jih dahlah Châu Phong piah taom gaok Safinah tapa kadha vak di Dạ Thảo vak angaok báo Lao động: