Anei jing êpul tuê hiu čhưn lu ala čar hŏng kŭm păn tal êlâo truh ti ƀuôn prŏng Đà Nẵng hlăm thŭn mrâo 2024. Knơ̆ng bruă hiu čhưn ênguê ƀuôn prŏng Đà Nẵng bi hgŭm hŏng Knơ̆ng bruă kdrŭn ksĭ Đà Nẵng, kahan răng mgang knông lăn kdrŭn ksĭ Đà Nẵng leh anăn Knơ̆ng bruă hiu čhưn ênguê Destination Asia mkŏ mjing drông êpul hiu čhưn ti kdrŭn ksĭ Tiên Sa.

Arăng mđup brei kơ phung tue mnơ̆ng bi hdơr leh anăn ktrâo atăt hiu čhưn dlăng. 2000 čô tuê anei lu jing hrie emơ̆ng Poland, dŭm ala čar ti Ơ Rôp, Canada, Mi, Dhŭng Korea, Japon, Australia.  Phung tuê mâo sa hruê čiăng čhưn dlăng dŭm anôk hing ang ti Đà Nẵng msĕ si Wăl mnơ̆ng kriê pioh Ngũ Hành Sơn, sang yơng Ling Ứng, Sang rang mdah krah rup Chăm Đà Nẵng. Mĭn tĭng thŭn 2024 srăng mâo 45 gưl kŭm păn mdiăng 40 êbâo čô tue hiu čhưn hriê ti Đà Nẵng./.