Hdră kdŏ mmuñ mâo anăn “Điện Biên Phủ - gru kruăk yuôm bhăn hlăm hƀuê ênuk”
Thứ ba, 14:38, 07/05/2024
VOV Tây Nguyên
VOV Tây Nguyên
VOV4.Êđê – Hlăm hdră Bi hdơr 70 thŭn hruê mblah dưi Điện Biên Phủ (7/5/1954 - 7/5/2024), mmăt mbruê 6/5, ti wăl tač 7/5, ƀuôn prŏng Điện Biên Phủ, čar Điện Biên mkŏ mjing leh Hdră kdŏ mmuñ mâo anăn “Điện Biên Phủ - gru kruăk yuôm bhăn hlăm hƀuê ênuk”.
Hluê anăn phung ktuê dlăng mâo klei găl dưi ksiêm wĭt sa wưng jhŏng ktang mơ̆ng djuê ana Việt Nam. Hdră mâo klei mkŏ plah wah hƀuê ênuk – ară anei leh anăn êdei anăp, bi êdah kơhưm mơ̆ng klei blah dưi hing ang ktư̆ mgei boh lăn. Leh knăm pŏk mâo klei rang mdah kdŏ mmuñ hŏng 3 kdrêč: Jih kang mnuih ƀuôn sang nao bi blah, klei mmuñ ênuk gưl leh anăn anôk klei êđăp ênang.
Hŏng klei nao hgŭm mơ̆ng 180 čô mbruă, phung kdŏ mmuñ mbĭt hŏng dŭm êpul êya mkăn hlăm brô giăm 800 čô. Hdră mâo klei bi mguôp mbĭt plah wah dŭm klei kdŏ mmuñ mbĭt hŏng dŭm klei wĭt bi hdơr kơ hƀuê ênuk, pluă mbĭt dŭm ênhiang mmuñ jing klei hlăk mblang, bi klă kơ klei blah dưi Điện Biên Phủ mơ̆ng phung ktuê dlăng, phung čih klei mrâo Việt Nam leh anăn tar rŏng lăn.
Viết bình luận