Thŭn 2024, hdră jing jang mnuih ƀuôn sang bi mguôp mkŏ mjing klei hdĭp dhar kreh dưi mkŏ mjing tŭ dưn mơ̆ng gưl dlông truh kơ alŭ wăl hŏng dŭm mta kñăm, bruă klam mđĭ kyar bruă duh mkra ala ƀuôn, lŏ dơ̆ng bi lar ktang hlăm klei hdĭp yang ƀuôn. Hŏng dŭm mta phŭn ngă bruă mơ̆ng hdră, mnuih ƀuôn sang leh anăn dŭm êpul êya bi lar leh knhuah gru thâo khăp, thâo pap, mtrŭt mđĭ hdră “Hdơr knga tla ai”, čuă êmuh mđĭ ai, bi êdah klei hdơr kơ phung mâo bruă tŭ dưn hŏng lăn čar.

Blŭ hrăm hlăm klei kƀĭn, k’iăng Khua knŭk kna Lê Thành Long mñă klă, hdră jing jang mnuih ƀuôn sang bi mguôp mkŏ mjing klei hdĭp dhar kreh lŏ dơ̆ng jing kmeh gơ̆ng kluôm hlăm djăp mta bruă klei hdĭp yang ƀuôn. Mñă hlăm thŭn 2025, ruah mă dŭm mta phŭn amâodah bi klă mta kñăm čiăng hluê ngă găl guôp, hlăm anăn kñăm kơ bruă bi kdơ̆ng ktang phĭt hŏng dŭm hdră soh hŏng dhar kreh, đa đa soh hŏng hdră bhiăn lăn čar.