Khua bruă kƀĭn ala Trần Thanh Mẫn hŏng khua gĭt gai Đảng, Knŭk kna nao hlăm klei kdŏ mmuñ anei. Hŏng akŏ “Kyua mnuih ƀuôn sang wơr pô”, hdră kdŏ mmuñ hŏng ênhiang mmuñ êdu êun jăk siam, mâo mkŏ mjing hlăm wăl tač ti anôk mkŏ êlan  Nguyễn Huệ - Lê Lợi (Kdriêk čar 1, ƀuôn prŏng Hồ Chí Minh).

Ti krah anôk mkŏ mjing jăk siam, mlam kdŏ mmuñ hŏng lu klei mmuñ jăk siam krŭ kdơ̆ng sui thŭn dưi mdah mâo lu phung mmuñ, phung pĕ kdrăp tông ayŭ mbruă, mâo klei hing ang kluôm ala kdŏ mmuñ. Hdră lŏ mkŏ mjing klei jăk siam leh anăn klei yuôm bhăn hƀuê ênuk kdrưh kơăm mơ̆ng djuê ana Việt Nam, mơ̆ng lĭng kahan yang ƀuôn Việt Nam hlăm hdră hƀuê ênuk 80 thŭn mkŏ mjing, bi blah leh anăn đĭ kyar. Mơ̆ng dŭm hdră: Čar kwar hlăm ai tiê”, “Klei mmuñ amâo dưi wơr” leh anăn “Kyua mnuih ƀuôn sang wơr pô”, hdră bi mni kơ rup “ Lĭng kahan Awa Hồ” hŏng knuih jăk siam, lŏ bi hdơr dŭm ênuk hƀuê ênuk djuê ana. Hdră lač kơ sa wưng hƀuê ênuk kdrưh kơăm, bŏ hŏng klei yuôm bhăn, săn asei, luč liê ƀiădah kdrưh kơăm mơ̆ng jih djuê ana čiăng sua mă klei êngiê kơ lăn čar, hluh lir lăn čar, ngă kơ lu phung bi ala, phung nao dlăng mgei ai tiê.