Mphŭn ba yua grông êdeh treng “Hoàng hậu” đru kơ phung tuê hiu čhưn ênguê ti Đà Lạt
Thứ tư, 14:30, 25/12/2024
Pô mblang: Y Ƀel Êban/VOV
Pô mblang: Y Ƀel Êban/VOV
VOV4.Êđê - Mmăt mbruê 24/12, ti ƀuôn prŏng Đà Lạt, čar Lâm Đồng, Knơ̆ng bruă êlan êdeh treng Việt Nam klă klơ̆ng ba yua grông êdeh treng hnơ̆ng jăk La Reine (hoàng hậu) đru kơ phung tuê ti êlan Đà Lạt – Trại Mát.
Anei jing mnơ̆ng dhơ̆ng hiu čhưn êngiê sa ai hŏng Festival mnga Đà Lạt gưl tal 10 thŭn 2024. Dŭm grông êdeh treng mâo anăn hoàng hậu dưi mkra mjing siam, jing klei bi mguôp mơ̆ng knhuah Đông Dương leh anăn Prăng, mâo knhuah đưm leh anăn klei siam mơ̆ng Đà Lạt.
Dŭm grông êdeh mâo 36 mdhô̆ dôk dua tĭng mkŏ mjing klei găl kơ phung tuê dưi ktuê dlăng dua nah êlan treng. Blŭ hrăm hlăm knăm mphŭn pŏk, Nguyễn Thái Học, khua bruă Đảng čar jing êjai čar Lâm Đồng mñă klei anei jing bruă hiu čhưn ênguê jăk êdi, iêo jak lu phung tuê hruê čuă dlăng.
Viết bình luận