Hruê 7/4, Knơ̆ng bruă Mjuăt bi hriăm čar Điện Biên mkŏ mjing leh Knăm mdah klei kdŏ mmuñ ti êlan dơ̆ng prŏng mơ̆ng phung hđeh sinh viên. Anei jing bruă ngă kkuh m’ak knăm bi hdơr 70 thŭn Hruê mblah tŭ dưi Điện Biên Phủ. Hdră anei dưi mdah ti 4 anôk mâo: Wăl tač prŏng 7/5, Wăl tač ƀuôn prŏng Điện Biên Phủ, tač lehanăn knưng mblah dưi Điện Biên Phủ. Knơ̆ng bruă Mjuăt bi hriăm čar Điện Biên iêu mtrŭt leh 11 êpul hŏng 2.200 čô hđeh hriăm hră, sinh viên nao hgŭm hŏng 33 klei kdŏ mmuñ.

Hŏng dŭm ênhang xoè, kdŏ mmuñ jiă knhuah djuê ana Thái, Mông, Lào... mbĭt hŏng ênhiang kdŏ êdu ê’un, jăk jĭn. Dŭm hdră anei dưi mdah klă anăp, kñăm đru kriê pioh lehanăn mđĭ kyar ênhiang kdŏ mmuñ hlăm ktuê êlan mơ̆ng phung hđeh, sinh viên; đru kriê kjăp knhuah dhar kreh jăk siam mơ̆ng mnuih djuê ƀiă čar Điện Biên. Boh nik đru lar bra pŏk rup Điện Biên truh hŏng ƀĭng găp, mtrŭt mđĭ hdră mđĭ kyar bruă hiu čhưn ênguê alŭ wăl./.