3 čô anei jing Đặng Bá Thương (31 thŭn, ƀuôn sang Thanh Hóa, dôk ti êlan Đào Duy Từ, ƀuôn hgŭm 4, ƀuôn prŏng Đà Lạt), Lương Khánh (49 thŭn, dôk ti êlan Nhà Chung, ƀuôn hgŭm 3, ƀuôn prŏng Đà Lạt) lehanăn Võ Quỳnh Thư, hđeh adŭ 7A 12 Sang hră gưl 2 Nguyễn Du, ƀuôn prŏng Đà Lạt.

Hluê anăn, aguah hruê 20/2, ti ktuê êlan Hai Bà Trưng nao sang hră (ƀuôn hgŭm 6, ƀuôn prŏngĐà Lạt), Võ Quỳnh Thư duñ sa boh đĭng blŭ iPhone 14 Plus mâo ênoh 18 êklăk prăk. Leh kơnăn Thư čŏng pô nao ba kơ anôk bruă kahan ksiêm ƀuôn hgŭm 6 brei tla wĭt kơ pô. Mơ̆ng hdră bi mklă, anôk bruă kahan ksiêm ƀuôn hgŭm 6 pral duah ƀuh pô bi lĕ mbĭt anăn brei Thư lŏ jao wĭt kơ pô bi lĕ anei jing phung tuê hiu čhưn mơ̆ng ƀuôn prŏng Hồ Chí Minh. Êlâo anăn, tlam hruê 13/2, ti ktuê êlan Trần Phú (ƀuôn hgŭm 3, ƀuôn prŏng Đà Lạt), Đặng Bá mbĭt hŏng Lương Khánh duñ sa boh ƀap. Hlăm lam mâo hră m’ar lehanăn giăm 11 êklăk prăk. Thương lehanăn Khánh nao ba leh ƀap mbĭt hŏng prăk anei kơ Anôk bruă kahan ksiêm ƀuôn hgŭm 3. Lehanăn, anôk bruă kahan ksiêm bi mklă lŏ jao wĭt kơ pô bi lĕ jing Nguyễn Lê Trãi, tuê hiu čhưn ênguê ti Khánh Hòa.