Mơ̆ng hruê 29 mlan 12 hlue mlan ƀlĕ truh hruê 5 tết, Đà Lạt mâo 238 êbâo gưl tue hiu čhưn dlăng, mdei msăn, đĭ giăm 62% mkă hŏng wưng anei thŭn 2023. Hlăm ênoh anei, mâo 18 êbâo gưl tuê ala tač êngao, đĭ 114% leh anăn giăm 180 êbâo čô tue dôk jưh hlăm mlam. Tue đĭ ktang hlăm 3 hruê 3,4 leh anăn 5 têt ngă kơ lu anôk bruă mnia blei huă mnăm ti Đà Lạt êgao hnơ̆ng hlăm mmông lu mnuih.

Čiăng amâo mâo klei gun kpăk msĕ si thŭn êlâo, kahan ksiêm ƀuôn prŏng Đà Lạt ba nao 1005 ênoh kahan ngă bruă, ktrâo atăt hlăm êlan klông. Hlue si kahan ksiêm ƀuôn prŏng Đà Lạt, hŏng klei gĭr gang mkhư̆ gun kpăk hlăm êlan klông, bruă ksiêm dlăng, ktuê dlăng leh anăn msir mgaih klei ngă soh kơ hnơ̆ng kôl, êran pral ăt mâo anôk bruă hlue ngă./.