Klă klơ̆ng “Dŭm klŏ ktar Thác Hai” mâo 250 mta mnơ̆ng, hŏng 200 klŏ ktir leh anăn 50 mta mnơ̆ng mbĭt hŏng klŏ ktir, mâo Sang hƀuê ênuk čar Dak Lak bi mguôp hŏng sang Hƀuê ênuk ala čar kuai mă ti anôk kuai mă mnơ̆ng đưm Thác Hai, ti alŭ 6, să Ia Jlơi, kdriêk Ea Sup, čar Dak Lak.

Anôk kuai mă mnơ̆ng đưm anei dưi hmao ƀuh ti akŏ thŭn 2020, kkuai mă tal êlâo ti mlan 3 truh mlan 4/2021, gưl kuai mă tal dua mơ̆ng mlan 11/2021 – 5/2022. Hlăm anăn dưi bi klă gưl dhar kreh kpal 2 met, hlăm lam mâo dŭm mta msĕ si msat đưm, ƀăng lăn jŭ hŏng lu mta mnơ̆ng msĕ si: jhưng sah, jông, hmăm, jhưng biêng hmôk kyâo hŏng boh tâo, mnơ̆ng čuh hŏng lăn, mnơ̆ng hŏng ală kĭng, êbeh 1000 klŏ ktir hŏng boh tâo leh anăn dŭm bluh êbâo mnơ̆ng mčah điêt. Hluê si phung thơ̆ng kơ bruă, dŭm klŏ ktir Thác hai jing klei ƀuh mrâo kơ sang anôk mkra mjing klŏ ktir boh tâo hnơ̆ng prŏng mơ̆ng ênuk mnơ̆ng yua hŏng boh tâo mrâo ti krĭng Lăn Dăp Kngư.