Hlăm 5 thŭn êgao, Êpul hgŭm hiu čhưn ênguê Dak Lak bi hgŭm mkŏ mjing lu gưl hriăm mjuăt kơ dŭm êtuh čô hriăm, đru mguôp mđĭ hnơ̆ng thâo bruă kơ phung ngă bruă hiu čhưn ênguê. Ba mnuih nao ksiêm dlăng, hriăm klei thâo, gru hmô hiu čhưn ênguê êpul êya leh anăn hdră bruă homestay ti dŭm čar, ƀuôn prŏng; đru kơ dŭm phung hgŭm hlăm dŭm sang mnia, klei rang mdah; ba dŭm anôk bruă êpul hgŭm nao hlăm Famtrip, ksiêm dlăng, mkŏ, bi siñê hră mơar bi hgŭm kơ klei hiu čhưn ênguê.

Hlăm wưng mrâo, bruă ngă mơ̆ng êpul hgŭm kƀĭn hlăm bruă mđĭ phung hlăm êpul hgŭm, iêô mkrum klei găl čiăng pŏk ngă jăk hĭn dŭm bruă ngă. Mbĭt anăn, Êpul hgŭm ăt mđĭ bruă bi hgŭm, bi hgŭm krĭng, mjing ênoh yuôm hơĭt kjăp hlăm klei mđĭ kyar hiu čhưn ênguê ti alŭ wăl./.