Nao hlăm klei bi lông anei mâo êbeh 2.500 čô hđeh hriăm hră mơ̆ng dŭm boh sang hră ti 15 kdriêk, wăl krah, ƀuôn prŏng čar Dak Lak bi lông ti 10 klei bi lông, mâo: pah boh mniê, čưng boh êkei, cờ vua, Vovinam, bi čĭk knhuah djuê ana pô pah mlâo mnŭ, bi lông luê, bi lông êran, mnah hna, lehanăn (Erobic). Phung bi lông tui tiŏ čiăng bi mâo 801 hlâo međai djăp mta. Klei bi lông mjuăt asei mlei kơ hđeh hriăm hră Phù Đổng čar Dak Lak tal 16 - thŭn 2024 (gưl tal 2) mkŏ mjing mơ̆ng hrue 5 - 9/3.   

Mơ̆ng klei bi lông anei kñăm kriê pioh, mđĭ bi lar bruă mjuăt ktang asei mlei hŏng phung hđeh hriăm hră ti dŭm boh sang hră hlăm čar, lehanăn kñăm dưi thâo ƀuh phung hđeh mâo klei êmăt hlăm bruă mjuăt ktang asei mlei, pioh lŏ bi hriăm mbŏ kơ êpul hđeh mâo klei thâo ti čar Daklak lehanăn kơ lăn čar./.