Klei bi lông Êran čar Dak Lak thŭn anei mâo 17 êpul bi lông mơ̆ng 2 êpul kdriêk, wăl krah, ƀuôn prŏng lehanăn dŭm anôk bruă, sang hră, dŭm êpul nao hgŭm. Phung bi lông srăng bi lông mơ̆ng 2 – 5 km. Mjưh ruê̆ klei bi lông, anôk mkŏ mjing jao leh Medai êa mah, êa prăk, êa kông kơ phung bi lông.

Anôk mkŏ mjing ăt jao klei pah mni kơ dŭm êpul mâo mă klei pah mni kdlưn hĭn lehanăn klei pah mni mrô sa, mrô dua, mrô tlâo kơ dŭm êpul nao hgŭm. Klei bi lông dưi mkŏ mjing grăp thŭn kñăm mjing tač hlăp jăk, bi mjĕ mjuk, bi trông klei thâo, đru mtrŭt mđĭ hdră mjuăt ktang asei mlei, boh nik klei bi lông êran, êbat jơ̆ng lehanăn mtrŭt mđĭ hdră mjuăt ktang asei mlei hlăm alŭ wăl đĭ kyar./.