Ƀuôn Kuôp, să Drai Săp, kdriêk Krông Ana jing anôk hdĭp mda sui thŭn mơ̆ng êpul êya mnuih Êđê lehanăn Mnông. Ƀuôn kbưi hŏng ƀuôn prŏng Ƀuôn Ama Thuôt 21 km, dôk ti ktuê êlan nao mơ̆ng Drai Nur truh kơ Akŏ Drai Săp (lŏ pia jing Drai Gia Long).

Ƀuôn ăt dôk djă pioh lu boh tŭ yuôm knhuah gru dhar kreh đưm mnuih Êđê lehanăn Mnông msĕ si: Tông čing čhar, kdŏ mmuñ Eirei, kdŏ čhuang, knăm ngă yang akŏ pin êa, m’ak mdiê mrâo, knăm lui msat lehanăn lu ƀuôn bruă mơ̆ng đưm msĕ si hrĭ mñam, pơ̆k mñam mnơ̆ng, knă kpiê čeh, mkra kdrăp tông ayŭ djuê ana… Ară anei, ƀuôn dôk 50 boh sang dlông djuê ana, dưi jing anôk đih đăm, čhưn dôk mkăp kơ hdră hiu čhưn ênguê. Mơ̆ng thŭn 2023, ƀuôn Kuôp mâo čar Dak Lak đru duh kơ anôk bruă nah gŭ, mkra mđĭ wăl anôk, hluê ngă lu hdră mđĭ kyar bruă hiu čhưn ênguê êpul êya./.