Knơ̆ng bruă sang čư̆ êa ƀuôn prŏng Gia Nghĩa, čar Dak Nông mkŏ mjing leh klei bi lông mran ti ênao krah ƀuôn prŏng, mâo 8 êpul bi lông êkei mniê.

Anei jing klei bi lông dôk hlăm hdră bi hdơr 49 thŭn hrue Gia Nghĩa mâo klei êngiê lehanăn bi hdơr 20 thŭn lŏ wĭt mkŏ mjing čar Daknông (2004-2024). Leh hmư̆ hlŭt ênai hgơr pŏk klei bi lông, dŭm êpul bi lông jih ai tiê mtiŏ mran pô ti krah ênao. Khădah ti krah adiê mđiă ktang, ƀiădah lu mnuih ƀuôn sang ur driâo hơ̆k mơak mđĭ ai kơ bi lông mtiŏ mran. Ăt mmông anăn, ti adiê krah ƀuôn prŏng Gia Nghĩa ƀuh 4 boh adŭ mđung, ba klei bi knăl kơ hla čhiăm gru hrah mtŭ kñĭ./.