Kon Tum: Êbeh 1.500 čô nao hlăm Hdră bi lông Êran Olympic kyua klei suaih pral mnuih ƀuôn sang
Thứ hai, 10:40, 04/03/2024
VOV TAYNGUYEN
VOV TAYNGUYEN
VOV4.Êđê- Aguah 3/3, ti tač čưng boh čar Kon Tum, Knơ̆ng bruă Dhar kreh, Mjuăt ktang asei mlei lehanăn Hiu čhưn ênguê bi hgŭm hŏng Êpul bruă mniê čar Kon Tum mkŏ mjing leh Knăm mtrŭt mjhar hdră mjuăt ktang asei mlei kơ jih jang mnuih lehanăn Hruê bi lông Êran Olympic kyua klei suaih pral jih jang mnuih ƀuôn sang, mbĭt anăn mkŏ mjing knăm kdŏ mmuñ hlăm mnuih ƀuôn sang thŭn 2024.
Nao ti Knăm mtrŭt mjhar hdră mjuăt ktang asei mlei kơ jih jang mnuih lehanăn Hruê bi lông Êran Olympic kyua klei suaih pral jih jang mnuih ƀuôn sang, kdŏ mmuñ hlăm mnuih ƀuôn sang čar Kon Tum thŭn 2024 mâo êbeh 1.500 čô jing phung knuă druh, mnuih mă bruă lehanăn Êpul hgŭm phung mniê kdriêk Đăk Hà, Kon Braih, ƀuôn prŏng Kon Tum.
Hlăm hdră kdŏ mmuñ mnuih ƀuôn sang hlăm thŭn 2024, 500 čô mniê h’ô ao dai, hrăm mbĭt kdŏ leh ênhiang kdŏ mơ̆ng Êpul hgŭm phung mniê Việt Nam.
Leh knăm mtrŭt mjhar, êbeh 1.500 čô nao hgŭm leh hlăm hdră êran ti hnơ̆ng 1,5km.
Viết bình luận