Dôk hlăm dŭm mta bruă hlăm Hruê kăm dhar kreh – hiu čhưn ênguê čar Kon Tum gưl tal 5 thŭn 2024, bi hdơr 56 thŭn hruê djiê êngiă mơ̆ng phung hjŏng ktang ti Anôk dlông mrô 995- Čư̆ Tan Kra (26/3), Bruă sang čư êa kdriêk Sa Thây bi mguôp hŏng Knơ̆ng bruă dhar kreh mjuăt asei mlei leh anăn hiu čhưn ênguê čar Kon Tum mkŏ mjing klei bi lông kdâo adŭ “Dlăng kơ Čư̆ čhiăng – Sa Thầy 2024”.

Klei bi lông mkŏ mjing hlăm 3 hruê, mơ̆ng aguah mbruê 22/3 truh kơ jih hruê 24/3, hŏng giăm 120 čô kdâo dŭ, hlăm anăn mâo 45 čô jing phung kdâo dŭ mơ̆ng lăn čar tač êngao dôk hriăm leh anăn ngă bruă jêñ jêñ hŏng dŭm Êpul bi mguôp kdâo dŭ hlăm lăn čar. Hŏng bruă anei, Êpul mkŏ mjing hmăng hmưi rơ̆ng leh anăn mđĭ kyar klei kdâo dŭ ti alŭ wăl, bi mguôp hŏng bruă hiu čhưn ênguê knưp, dhar kreh, hƀuê ênuk, ƀrư̆ ƀrư̆ mkŏ mjing klei hiu čhưn ênguê iêo jak phung tuê.