Knăm mơak yan mnga bruă klei mrâo Giáp Thìn čar Kon Tum thŭn 2024 rang mdah hŏng lu mnuih dlăng êbeh 500 klei čih mđrĭng hŏng klei mrâo yan mnga mơ̆ng giăm 80 Êpul hgŭm bruă klei mrâo hlăm kluôm ala, anôk bruă klei mrâo hlăm čar lehanăn êngao čar.
Blŭ hrăm ti anôk pŏk knăm anei aduôn Y Ngọc, k’iăng khua knơ̆ng bruă sang čư̆ êa čar Kon Tum bi mklă, d\m anôk bruă klei mrâo hlăm čar, mbĭt hŏng dŭm anôk bruă mơ̆ng gưl dlông dôk ti čar mâo leh lu bruă ngă hlăm klei mlih mrâo hlue ngă bruă čuăn kđi čar, mđĭ klei thâo săng kơ mnuih ƀuôn sang, đru mguôp yuôm bhăn kơ klei mđĭ kyar bruă duh mkra ala ƀuôn hlăm čar. K’iăng khua knơ̆ng bruă sang čư̆ êa čar Kon Tum, čang hmăng kơ dŭm anôk bruă klei mrâo lŏ dơ̆ng mâo klei gĭr hĭn, ngă bruă hŏng klei knhăk hĭn čiăng bi mâo dŭm klei čih jăk, hưn mdah, bi mklă kơ klei mđĭ kyar hlăm čar./.
Viết bình luận