Vũ Thị Hương Giang, khua kiă kriê Thảo Cầm Viên brei thâo: knăm mơak tal anei dưi mkŏ mjing hơ̆ng prŏng, mâo êbeh 50 anôk rang mdah 149 mta mnơ̆ng ƀơ̆ng knhuah gru mơ̆ng 3 krĭng kwar ala čar, hluê anăn đru hưn mdah dhar kreh mnơ̆ng ƀơ̆ng huă lu jơr mơ̆ng grăp krĭn kwar.

Hdră bruă ksiêm hriăm mnơ̆ng ƀơ̆ng huă Việt Nam srăng dăp jing 3 alŭ wăl Huế - Sài Gòn – Hà Nội hŏng dŭm mta mnơ̆ng ƀơ̆ng knhuah gru mơ̆ng krĭng lăn Huế, amâodah wăl mnơ̆ng ƀơ̆ng jăk yâo mơ̆ng Sài Gòn hŏng lu mta mnơ̆ng ƀơ̆ng jiă kma mnâo mnañ krĭng Dhŭng leh anăn lông ƀơ̆ng dŭm mra mnơ̆ng ƀơ̆ng jăk mơ̆ng ƀuôn prŏng phŭn Hà Nội, mbĭt hŏng lu mta mnơ̆ng ƀơ̆ng jăk yâo mơ̆ng krĭng Lăn Dăp Kngư. Hdră lŏ mâo klei nao hgŭm mơ̆ng phung thâo mbruă tŭk knă, bi lông tŭ knă dŭm mta mnơ̆ng ƀơ̆ng knhuah gru Việt Nam. Knăm mơak mkŏ mjing mơ̆ng hruê 26/4 – 01/05. Vũ Thị Hương Giang lŏ brei thâo: “Hŏng akŏ “Lăm čar hluh hlir” hmei mă mta kñăm mơ̆ng knăm mơak jing dŭm mta mnơ̆ng ƀơ̆ng srăng bi êdah knhuah gru krĭng kwar Dưr – Krah – Dhŭng. Hdră mâo klei nao hgŭm mơ̆ng lu phung thâo mbruă, diñu bi mkra mjing mnơ̆ng ƀơ̆ng tinăn leh anăn hưn mdah hŏng phung tuê”.