Hluê si mâo 3 anôk hiu čhưn ênguê mrâo mâo bruă sang čư êa čar Kon Tum tŭ yap jing wăl hiu čhưn ênguê mnơ̆ng dhơ̆ng hdĭp, Dliê knŭk kna mkuôm Čư̆ Momray dôk bi mguôp hŏng đa đa anôk bruă hlăm bruă hiu čhưn ênguê ngă klei ksiêm dlăng, bi klă mta bruă čiăng duh bi liê leh anăn mkŏ mjing tour klă klơ̆ng.

Hlăm anăn, knăm mă yua klei găl wăl siam čiăng mkŏ mjing dŭm mta mnơ̆ng dhơ̆ng hiu čhưn ênguê, klei găl mơ̆ng knhuah gru dhar kreh čiăng mđĭ kyar bruă hiu čhưn ênguê yang ƀuôn. Đào Xuân Thuỷ, khua kiă kriê dliê Khua knŭk kna mkuôm Čư̆ Momray brei thâo, bruă mtrŭt mđĭ klei hiu čhưn ênguê jing hdră tă mơ̆ng dliê kñăm rơ̆ng ai dưi ngăn prăk kơ bruă răng mgang dliê.