Mkŏ mjing mơ̆ng ara anei truh jih mlan 2, akŏ rang mdah hưn mthâo 69 pŏk rup ênhiang djuê ana êdah êdi, ruah hlăm rup mơ̆ng Sang kriê pioh Việt Nam. Hŏng dŭm pŏk rup hing ang msĕ si: Đông Hồ (Thuận Thành, Bắc Ninh), Hàng Trống, rup Kim Hoàng (Hà Nội), leh anăn dŭm pŏk rup kkuh mpŭ Vũ Di (Vĩnh Phúc), Độc Lôi (Nghệ An), mâo boh phŭn jăk siam, lač kơ klei hdĭp mda, mă bruă knuă mơ̆ng ƀĭng lŏ hma, hơêč hmưi tơdah Tết hriê yan mnga truh, bi êdah klei čang hmăng êbâo thŭn mơ̆ng mnuih ƀuôn sang kơ klei hdĭp jăk mơak, trei mđao.

Đinh Một, Khua Sang kriê pioh Dak Lak brei thâo, klei rang mdah kñăm hưn mthâo hŏng jih jang phung dlăng kơ ênoh dhar kreh djuê ana mơ̆ng Việt Nam. Mbĭt anăn ăt jing bruă jăk mơak, kkuh drông yan mnga Giáp Thìn leh anăn mđing kkuh drông 94 thŭn hruê mkŏ mjing Đảng Cộng sản Việt Nam.