Hŏng akŏ “Phung mda asei Dak Lak ba anăp ngă bruă, čang hmăng gĭr ktưn mkŏ mjing čar Dak Lak mdrŏng sah, jăk siam, mdê hjăn”, boh phŭn bi lông mơ̆ng phung mda asei Dak Lak kƀĭn hlăm dŭm hnơ̆ng kčah msĕ si: mkŏ mjing 120 hdră bruă leh anăn 1.200 bruă êdam êra hgŭm mkŏ mkra krĭng ƀuôn sang mrâo leh anăn ƀuôn prŏng jăk soam; Mkŏ mjing kơ 120 êbâo gưl êdam êra mđing hlăm Klei bi lông ksiêm hriăm “Hƀuê ênuk 120 thŭn mkŏ mjing, mđĭ kyar čar Dak Lak”.

Đru kơ phung êdam êra ngă 300 klei mĭn mbruă, kčĕ bruă knuă, hưn mthâo leh anăn msir mgaih bruă mă kơ êbeh 30 êbâo čô êdam êra. Amai Phan Thị Trinh, K’iăng Khua dlăng bruă êdam êra čar Dak Lak brei thâo dŭm hnơ̆ng kčah pŏk ngă klei bi lông ăt jing dŭm hdră kñăm phŭn hlăm bruă êdam êra thŭn anei. Mơ̆ng anăn mđĭ bruă klam mơ̆ng êpul bruă êdam êra hlăm klei bi hgŭm êdam êra hrăm mbĭt hŏng bruă mkŏ mkra ƀuôn sang./.