Hlue si pô čih kač rup Lê Thiết Cương, ala mâo klei yuôm bhăn hlăm 11 drei mkăn amâo ôh. Rup ala jĕ giăm hŏng klei đăo Yơng, klei bhiăn kkuh kơ ala jing sa klei bhiăn đưm anak mnuih Việt Nam hŏng dua klei mĭn phŭn jing mnơ̆ng hdơr kơ aduôn aê atâo atiêt leh anăn yang êa. Amâo djŏ knŏng ba klei bhiăn kơ klei đăo ôh, pô čih kač rup lač mnơ̆ng anei lŏ mâo klei yuôm bhăn mkăn:

 “Ất Tỵ 2025, thŭn ala jing klei bi hmô, mâo klei mblang yuôm bhăn snei, mlan 1 jing mlan ala, mlan dua jing mlan Miêo, mlan 3 jing mlan anak rai leh anăn mlan pă jing mlan ala. Jing hlăm păn mta yuôm bhăn kiă kriê lăn adiê. Giê tal êlâo jing adiê, jing mlan 4, mlan ala. Adiê tinei jing pô hrih mjing, ăt jing klei bi hmô, klei čang hmăng, sa klei hơêč hmưi hŏng jih jang phung mbruă jing thŭn ala truh leh, brei hriăm knuih yang adiê, knuiah mơ̆ng klei mbruă čiăng mâo mnơ̆ng dhơ̆ng mrâo hĭn, bi mlih mrâo hĭn.”

Bi êdah rup jăk siam kơ ala, phung čih kač rup yua leh mnơ̆ng mdê mdê msĕ si kpŭng êa mil, k’hiêk mơar mƀlir, krah rup, acrylic, êa mil, rup hŏng lăn čuh, rup hŏng msei… Tơdah msĕ si pô kač rup Lê Thiết Cương kač rup hlăm mnơ̆ng hŏng lăn čuh hŏng 2 rup ala bi kmiêk hlăm pruê̆ knhal tuč mơ̆ng Kinh Bát Nhã snăn pô čih kač rup Nguyễn Hồng Quang ăt bi êdah ala suaih ktang hŏng mnơ̆ng lăn čuh Hương Canh.

Hŏng klei dlăng mbruă, phung čih kač rup amâo djŏ knŏng bi êdah klei jăk siam mơ̆ng mta mnơ̆ng anei ôh ƀiădah lŏ mơĭt klei jăk siam hlăm klei hdĭp.Pô kač rup Hoàng Phương Liên brei thâo:

“Phung kač rup hlăm klei rang mdah hmei, mâo mnuih kač hŏng êa mil, mâo mnuih hlăm êa mil mmai ƀiădah bi êdah sơăi klei jăk siam kơ ala ênang leh anăn jăk snăk. Klei kâo mkra hŏng mơak k’hiêk, mta rup yuôm bhăn snăk. Kâo čiăng ba kơ grăp čô mnuih ruup âl dưi bi míam, rup gŏ sang kâo mâo amĭ ama leh anăn tlâo čô anak. Kâo čiăng bi êdah ala ênang, sa gŏ sang hơuh mđao, čiăng kơ phung dlăng amâo ƀuh huĭ ôh kơ ala.”

Hŏng klei hâo hưn mtô mblang mrâo mrang kơ rup ala, hlăm klei rang mdah  “Tết Tỵ 2025”, mta mnơ̆ng anei jing êdu êun, ênang leh anăn jĕ giăm hŏng mnuih ƀuôn sang. Mniê êra siam, pô mkra mjing Ngọc Hân brei thâo:

“Êlâo dih, grăp čô khăng huĭ kơ ala anăn phung čih kač rup ăt kăn đei mâo leh mơh rup mbruă kơ ala. Ƀiădah hŏng klei rang mdah Tết Tỵ 2025 anei, drei khăng ƀuh lu rup, klei mĭn mdê mdê mơ̆ng ala leh anăn drei srăng ƀuh rup jăk snăk, rup lu êa mil, yan mnga leh anăn thŭn mrâo. Kâo pô ăt jing pô hriăm kơ klei čih kač rup, jing sa čô mkra mjing mơak snăk tơdah dưi yua rup mơ̆ng pô čih kač rup Lê Thiết Cương čiăng mkra mjing rup hlăm ao dai.”

Pô mkra mjing fim rup Vương Đức brei thâo:

“Brei drei dlăng anăn jing sa rup bi hmô, kơ wưng dôk êbat, lu anôk dŭm sang yang kkuh kơ ala, drei mđing kơ klei myun mdan. Kâo bi mĭn phung čih kač rup thŭn anei čiăng bi êdah klei mơak pô ti anăp hruê mmông dôk nao, rup “Tuôr kơ klei hdĭp” čih kač rup ala kwin jing sa rup pă kiêng, 1 rup wĭl, êngao anăn jing hla leh anăn ală dlăng ktang, lač kơ klei amâo thâo djiê hlăm klei hdĭp, klei lă lar kơ klei hdĭp.”

Amâo djŏ knŏng klei čih kač rup kơ ala ôh, klei rang mdah lŏ ba kơ adŭ ruh kač klei lu jơr  kơ rup mâo lu mta. Mơ̆ng ƀuôn sang êđăp ênang, pô čih kač rup Nguyễn Thanh Quang, rup mnơ̆ng hơĭt ênang, mnga jăk siam mơ̆ng pô čih kač rup Bình Nhi; phung dlăng ƀuh mnga mai, mnga mận krĭng čư̆ čhiăng mơ̆ng pô čih kač rup Vương Linh, hơ̆k mơak knăm mơak hŏng pô čih kač rup Việt Anh leh anăn Hoàng Phương Liên…mjing leh ai êwa mnga jăk siam hlăm dŭm hruê akŏ yan mnga 2025.