Lê Thị Trúc Linh, K’iăng Khua Knơ̆ng bruă dhar kreh - mjuăt ktang asei mlei - hiu čhưn ênguê čar Dak Nông brei thâo, gưl bi hdơr 20 thŭn mkŏ mjing čar, đăo knăl hnơ̆ng tue hriê čhưn dlăng srăng đĭ lu. Knơ̆ng bruă mbĭt hŏng Knơ̆ng bruă sang čư̆ êa dŭm kdriêk ngă klei ksiêm dlăng dŭm anôk dôk jưh kơ hdră mkăp hdră bruă, mbĭt anăn mtă mkra mđĭ dŭm hdră bruă čiăng duh kơ tue hiu čhưn.

Hlue anăn, ti ƀuôn prŏng Gia Nghĩa leh anăn dŭm kdriêk tiêng gah jing Dak Glong, Dak Rlâp, Dak Song, Dak Mil, mâo giăm 200 anôk dôk jưh srăng duh kơ êbeh 7.100 čô tue/hruê. Mbĭt anăn, dŭm kdriêk phŭn hlăm dŭm tuor, gưl hiu čhưn hlăm kdrăn ƀăng kơưp čư̆ pui kluôm rŏng lăn UNESCO Dak Nông msĕ si Krông Knô, Dak Glong, Čư̆ Jŭt, dŭm anôk dôk jưh mđĭ leh hnơ̆ng jăk duh kơ tue hiu čhưn. Gưl anei, tue hiu čhưn ăt hiu dlăng klei hdĭp mda, dhar kreh, mnơ̆ng ƀơ̆ng mnuih djuê ƀiă Dak Nông ti dŭm anôk hiu čhưn ênguê êpul êya./.