Anei jing sa hlăm dŭm knăm prŏng êdi mơ̆ng kluôm ala. Knăm anei mphŭn hŏng klei bhiăn akâo kơ lăn čar lehanăn mnuih ƀuôn sang êđăp ênang lehanăn kđăm gru Yên Tử. 

Dăl hlăm wưng mkŏ mjing knăm m’ak srăng mâo dŭm hdră dhar kreh jăk siam msĕ si: Mkŏ mjing klei hlăp lêñ djuê ana, mdah klei kdŏ mmuñ ti krĭng wăl ƀuôn Nương Yên Tử; rang mdah rup mtô mblang, hưn mthâo kơ boh tŭ yuôm jăk siam mơ̆ng Yên Tử; Tui ksiêm dhar kreh mnơ̆ng ƀơ̆ng huă mnuih djuê ana Dao Thanh Y gŭ jơ̆ng čư̆ Yên Tử. Knăm m’ak yan mnga Yên Tử jing hdră dhar kreh ai tiê klei mĭn jăk siam mơ̆ng mnuih ƀuôn sang, đru kriê pioh, bi mni, mđĭ lar boh tŭ yuôm lehanăn hưn mthâo lăn mnga Yên Tử truh kơ phung tuê hiu čhưn hlăm lehanăn êngao ala čar./.