Nguyễn Văn Đại, Khua kiă kriê anôk bruă kdriêk Krông Knô, Knơ̆ng bruă ba yua knơ̆ng kdơ̆ng êa Dak Nông brei thâo, ti anăp klei không kƀah êa ktang phĭt, kdriêk mâo leh klei mă bruă hŏng dŭm kdriêk jĕ giăm msĕ si Dak Mil leh anăn Dak Song čiăng bi kna êa mơ̆ng dŭm knơ̆ng kdơ̆ng êa prŏng wĭt bi mdrơ̆ng hŏng klei kƀah êa.

Ti anăp, mâo leh klei sa ai mơ̆ng kdriêk Dak Mil mđoh êa mơ̆ng Hồ Tây (mâo hnơ̆ng êbeh 3 êklăk m3) wĭt ti kdriêk Krông Knô găn mnuôr wĭt kơ hnoh êa Dak Sôr. Hluê si Nguyễn Văn Đại, Knơ̆ng bruă ba yua knơ̆ng kdơ̆ng êa Dak Nông bi mguôp hŏng dhar bruă lŏ hma leh anăn bruă sang čư êa să hâo hưn kơ mnuih ƀuôn sang klă nik kơ mmông pŏk êa. Mnuih ƀuôn sang čŏng pô čiăng mă yua êa yuôm bhăn anei čiăng pom krih kơ ana pla mjing.