Nao hlăm knăm mtrŭt mjhả mâo êbeh 500 čô bi ala mơ̆ng dŭm Phŭn, dhar bruă, anôk bruă, bi ala đa đa alŭ wăl, êpul grŭp, mnuih mă bruă, phung hriăm gưl prŏng. Mlan ngă bruă kyua klei êđăp ênang êjai mă bruă thŭn 2024 srăng mkŏ mjing mơ̆ng hruê 01/05 – 31/5/2024 hlăm kluôm ala hŏng akŏ “Mđĭ hĭn bruă rơ̆ng kơ klei êđăp ênang ti anôk mă bruă leh anăn hlăm klei mkăp brei” leh anăn Mlan mnuih ngă bruă thŭn 2024 mâo akŏ “Bi mguôp mnuih ngă bruă – hluê ngă hdră mtrŭn”.

Blŭ hrăm hlăm knăm mtrŭt mjhar, Nguyễn Đình Khang, khua kiă kriê Êpul hgŭm mnuih ngă bruă Việt Nam mñă klă, mđĭ kyar bruă duh mkra kjăp srăng nao mbĭt hŏng bruă rơ̆ng kơ grăp čô dưi mă bruă hlăm klei êđăp ênang, dưi kriê dlăng hlăm klei hdĭp, jing hnơ̆ng čuăn mbĭt hlăm klei đĭ kyar kjăp leh anăn ñu kma tar rŏng lăn.