Bi trông hŏng khua gĭt gai čar Kon Tum, bruă sang čư̆ êa leh anăn mnuih ƀuôn sang kdriêk Kon Braih hlăm mmông mđup brei mnơ̆ng, Pô mâo klei dưi Khua lăn čar Võ Thị Ánh Xuân mñă klă bruă klam yuôm bhăn Kon Tum hlăm dua klei bi blah bi kdơ̆ng hŏng Prăng, Mi leh anăn ai tiê bi hgŭm, bi blah kjăp ktang mơ̆ng mnuih ƀuôn sang dŭm djuê ana hlăm čar.
Mđing kơ klei hdĭp mnuih ƀuôn sang dŭm djuê ƀiă, Pô mâo klei dưi Khua lăn čar Võ Thị Ánh Xuân čang hmăng gưl bruă đảng, bruă sang čư̆ êa cacrr Kon Tum lŏ dơ̆ng ngă tŭ dưn hdră êlan djuê ana kñăm bi hrŏ hĭn klei bi kpleh mđĭ kyar plah wah dŭm djuê ana, krĭng kwar čiăng kơ jih jang mnuih ƀuôn sang dưi dưn djăp ênŭm boh tŭ krŭ kdơ̆ng, mbĭ anăn jing hlue ngă klei Đảng, Knŭk kna gĭt gai, bi mguôp klei găl, boh nik phŭn duh bi liê mơ̆ng hdră kñăm ala čar čiăng mđĭ kyar bruă mdrao mgŭn, mtô bi hriăm, răng kriê dhar kreh djuê ana leh anăn ngă jăk hdră êlan êđăp ênang - ala ƀuôn./.
Viết bình luận