Klei bi kƀĭn kñăm bi trông ruh mgaih klei dleh dlan, gun kpăk kơ sang dôk ala ƀuôn, boh klei pŏk ngă, boh tŭ hlue ngă Hdră bruă anei. Kơ klei tŭ pŏk ngă hdră bruă sang dôk hlăm ala ƀuôn hlăm wưng mơ̆ng thŭn 2021 truh ară anei hlăm klei ksiêm yap hâo hưn mơ̆ng dŭm alŭ wăl kluôm ala 418.200 boh sang, hlăm anăn ênoh hdră bruă bi leh 75 hdră bruă. Ênoh hdră bruă mphŭn rŭ mdơ̆ng 128 hdră bruă hŏng hnơ̆ng 115.379 boh sang, ênoh hdră bruă dưi tŭ ư bi liê 300 hdră bruă.

Blŭ hrăm hlăm klei bi kƀĭn, Khua knŭk kna Phạm Minh Chính mñă klă, mdĭ kyar sang dôk ala ƀuôn jing boh phŭn yuôm bhăn mơ̆ng dŭm hdră êlan mđĭ kyar bruă duh mkra ala ƀuôn, Bruă kđi čar, dŭm gưl, dhar bruă brei bi mklă bruă klam mđĭ kyar sang dôk ala ƀuôn jing bruă klam kđi čar yuôm bhăn mơ̆ng alŭ wăl, anôk bruă čiăng kƀĭn jih ai tiê hĭn, gĭr bi leh hnơ̆ng kčah kơ sang dôk ti alŭ wăl kčah leh./.