Hluê anăn, phung knuă druh, phung mă bruă knŭk kna gưl să, mnuih mă bruă, pô mă bruă đru ti gưl să êbeh kyua mkŏ dap anôk bruă knŭk kna srăng dưi đru thiăm sa blư̆ knar hŏng 50% ênoh prăk dưi dưn hluê di klei čuăn hlăm hdră mtrŭn mrô 29/2023 mơ̆ng Knŭk kna.

Mmông đru jing 5 thŭn hŏng phung knuă druh, phung mă bruă knŭk kna leh anăn 12 mlan hŏng phung mă bruă, phung đru bruă, yap mơ̆ng hdră mtrŭn mơ̆ng Dhar Bruă Kƀĭn Ala kơ bruă mkŏ dăp anôk bruă knŭk kna gưl să čar Dak Lak mâo klei dưi dưn. Knơ̆ng bruă kiă kriê bruă knuă čar Dak Lak brei thâo: čar lŏ dơ̆ng ksiêm dlăng kơ phung knuă druh, phung mă bruă knŭk kna, mnuih mă bruă, phung đru bruă gưl să êbeh kyua mkŏ dăp anôk bruă knŭk kna gưl să.