Hlăm dŭm thŭn êgao, mbĭt hŏng phung êdam êra kluôm ala, phung êdam êra mnuih djuê ƀiă Dak Lak lŏ dơ̆ng bi mklă bruă klam, amâo mdei tui hriăm, gĭr ktưn hlăm klei hdĭp.

Hlăm hdră bi tuôm, phung hđeh mnuih djuê ƀiă hriăm gưl prŏng êdah êdi nao hlăm hdră msĕ si: Myơr brui mngưi ti knưl bi hdơr kơ phung lĭng kahan Ñam Tiến leh anăn myơr mnga ti Knưl Awa Hồ; hdră “ksiêm hriăm klei dhar kreh”, Klei bi kƀĭn “Bi trông kơ knhuah dhar kreh phung hriăm gưl prŏng Dak Lak hlăm klei ñŭ kma leh anăn mđĭ kyar”, bi trông “Mkŏ phung hriăm gưl prŏng hŏng phung duh mkra. Gưl anei, Êpul hgŭm phung hriăm gưl prŏng čar Dak Lak bi mni kơ 50 čô mnuih djuê ƀiă êdah êdi; Mkŏ mjing hưn mdah Êpul knhuah jăk siam phung hriăm gưl prŏng Dak Lak/ Êpul mkŏ mjing kñăm mjing tač hlăp jăk, đru kơ phung hđeh mâo klei găl tui hriăm, ksiêm dlăng leh anăn djă pioh ênoh dhar kreh djuê ana pô.