Ti knăm anei, phung bi ala dlăng leh dŭm kdrêč phim kơ ktuê êlan 80 thŭn mkŏ mkra, kdơ̆ng mblah, đĭ prŏng mơ̆ng Lĭng kahan yang ƀuôn Việt Nam lehanăn êpul kahan djă phao ktuang čar Dak Lak ăt msĕ mơh kahan krĭng V. H’Yim K’Đok, Kơiăng khua Anôk bruă sang čư̆ êa čar Dak Lak mơĭt leh asăp čuă êmuh klei suaih pral, bi êdah klei lač jăk anăp klei đru mguôp mơ̆ng phung khua kahn hlăm hdră kdơ̆ng mblah, mô̆ mkra lehanăn răng mgang Ala čar.

Kơiăng khua Anôk bruă sang čư̆ êa čar Dak Lak hưn mthâo leh kơ hdră mđĭ kyar bruă duh mkra – ala ƀuôn čar Dak Lak thŭn 2024. H’Yim K’Đok čang hmăng phung khua kahan mdei leh bruă lŏ dơ̆ng đru mguôp klei thâo, klei mĭn mrâo čiăng mkŏ mkra kjăp hdră mnuih ƀuôn sang răng mgang klei êđăp ênang lehanăn mkŏ mjing êpul kahan djă phao ktuang čar ƀrư̆ hruê ƀrư̆ kjăp ktang./.