Ti kdriêk Mang Yang, Êpul bi ala bruă kƀĭn ala čar Gia Lai mâo leh klei bi tuôm hŏng mnuih ƀuôn sang ti să Đăk Jơ Ta. Tinei, êpul khua bi ala mâo čih pioh kơ dŭm klei mnuih ƀuôn sang akâo mghaih msirr klei kơ lăn ala pioh kơ mnuih ƀuôn sang pla mjing, klei akâo ênoh đru mdul kơ êpul kahan ƀuôn, kơ knuă druh hlăm gưl să...

Mbĭt hŏng anăn, bruă ruư mkra djăp mta bruă nah gŭ pioh mđĭ kyar klei hdĭp mda mnuih ƀuôn sang, msĕ si mkra bi leh kban hnoh krông Ayun čiăng kơ mnuih ƀuôn sang găl ênưih hlăm klei êrô êbat, dŭ mdiăng mnơ̆ng dhơ̆ng, mbha lăn ala kơ mnuih ƀuôn sang pla mjing. Phung bi ala bruă kƀĭn ala čar Gia Lai bi klin leh jih jang klei mnuih ƀuôn sang akâo pioh ba ti anôk bi kƀĭn bruă kƀĭn ala mâo klei wĭt lač./.