Hluê ngă hdră rŭ mdơ̆ng 1.200 boh sang klei khăp brei kơ gŏ sang ƀun, gŏ sang dleh dlan ti čar Dak Lak mơ̆ng Phŭn bruă kahan ksiêm, mơ̆ng akŏ thŭn 2024, kahan ksiêm dŭm kdriêk, wăl krah leh anăn ƀuôn prŏng Ƀuôn Ama Thuôt kčưm rŭ mdơ̆ng 807 boh sang klei khăp. Truh kơ ară anei mâo leh 270 boh sang dưi ngă leh, jao kơ dŭm gŏ sang.

Ênoh prăk rŭ mjing sa boh sang ƀiă êdi jing 80 êklăk prăk, hlăm anăn Phŭn bruă kahan ksiêm đru 50 êklăk prăk, bi adôk mơ̆ng Kahan ksiêm čar Dak Lak leh anăn dŭm alŭ wăl iêo mkrum, êpul êya kahan ksiêm nah gŭ, dŭm gŏ sang đru mguôp hruê ai rŭ mdơ̆ng. Ară anei kahan ksiêm čar Dak Lak dôk gĭt gai kahan ksiêm dŭm alŭ wăl mjêč mtrŭt bi hmar klei ngă bruă, ktuê dlăng kjăp čiăng rŭ mdơ̆ng thiăm dŭm boh sang adôk čiăng rơ̆ng hnơ̆ng tŭ jăk jao kơ dŭm gŏ sang êlâo kơ hruê 30/10/2024 hluê si klei gĭt gai mơ̆ng Phŭm bruă kahan ksiêm.