Êdei kơ 3 thŭn, dŭm gưl, dhar bruă hlăm čar Kon Tum mâo mkŏ mjing, mđĭ bi lar leh truh 866 mta bruă mdê mdê bi đru hdơ̆ng găp mđĭ kyar klei hdĭp mda, mkra wĭt đang hma pla mtŭk mtŭl mâo leh giăm 10.600 gưl gŏ êsei ƀun, giăm ƀun hlăm mnuih djuê ƀiă nao bi mguôp. Jih jang bruă bi hmô anăn mâo ênoh prăk bi liê truh êbeh 96 êklai prăk blei mjeh mnơ̆ng pla, mnơ̆ng rông, đru kơ hdră dlăng kriê wiê ênăk kơ êbeh 5.500 gŏ êsei mnuih djuê ƀiă ƀun, dưi tlaih kơ ƀun ƀin hŏng klei kjăp.

Tĭng truh jih thŭn 2023 kluôm čar Kon Tum adôk êbeh 10.200 gŏ êsei ƀun, hlăm anăn 9.700 gŏ êsei ƀun jing mnuih djuê ƀiă truh êbeh 95%. Čiăng mđĭ ai mnuih ƀuôn sang jhŏng mĭn, jhŏng ngă, kpưn đĭ tlaih mơ̆ng klei ƀun ƀin hŏng klei sĭt êmĭt, bruă Đảng čar Kon Tum srăng lŏ dơ̆ng ngă lu hdră mkăn. Hlăm anăn, čar srăng mđing hlăm dŭm bruă duh mkra mnia mblei./.