Leh hmư̆ klei hưn mdah kơ boh phŭn Klei bi kƀĭn tal 7, Bruă kƀĭn ala gưl XV leh anăn boh tŭ ngă bruă mơ̆ng Êpul bi ala bruă kƀĭn ala čar mơ̆ng leh klei bi kƀĭn tal 6 truh ară anei, phung bi ala kơ mnuih ƀuôn sang čar Dak Lak hưn mdah leh klei akâo kƀĭn hlăm dŭm boh phŭn kơ hră ênua, prăk mlan, sang dôk, klei phung mă bruă dưi dưn…

Klă klơ̆ng, phung bi ala kơ mnuih ƀuôn sang mtă mjing klei găl čiăng kơ phung mă bruă dưi mâo hră ênua mdrao mgŭn dưi tĭng tla tơdah nao ksiêm mkă ti dŭm anôk mdrao mgŭn êngao mmông mă bruă, mtrŭn thŭn mdei mă bruă hŏng đa đa êpul mă bruă msĕ si nai mtô hđeh, phung mă bruă hlăm anôk mâo lu mta ruă,  bruă ktrŏ…  Mbĭt anăn, lu phung bi ala akâo kơ Knŭk kna ksiêm dlăng, mâo hdră êlan mkŏ mjing sang dôk ala ƀuôn, sang dôk ênoh êlưih kơ phung mă bruă.

Ăt hlăm klei bi kƀĭn, Êpul bi ala bruă kƀĭn ala čar Dak Lak mđup brei 100 hnư mnơ̆ng kơ phung mă bruă mâo klei hdĭp dleh dlan ti čar./.