Ti anôk bi kƀĭn, phung khua hlăm Êpul hgŭm mblang leh kơ dŭm mta kñăm, bruă klam hlăm klei čih mkra Hdră êlan. Hluê anăn, hlăm Hdră mtrŭn mrô 29 mơ̆ng Anôk kriê dlăng bruă Đảng gưl dlông tal 11 mâo leh dŭm mta kñăm djŏ klă brei drei mâo klei mđing hluê ngă; dŭm mta kñăm ka klă, ka djŏ amâo dah hdră msir ka kluôm ênŭm, brei ksiêm wĭt. Mbĭt anăn, Hdră êlan brei ba mdah dŭm mta kñăm mrâo, hdră msir jăk hĭn kñăm mkăp djŏ hŏng klei čiăng ară anei.

Blŭ hrăm ti anôk bi kƀĭn, K’iăng khua knŭk kna lač klă: Hdră êlan mđĭ kyar bruă mtô bi hriăm truh thŭn 2030 lehanăn hnơ̆ng trah dlăng truh kơ thŭn 2045 mâo klei yuôm bhăn, hmăi truh kơ hdră mtrŭn mjuăt bi hriăm lehanăn mđĭ klei thâo mnuih mă bruă hlăm êdei anăp. Kyua anăn, Hdră êlan brei mâo mta phŭn, djŏ klă, mâo boh kdrŭt bi mlih klă sĭt kñăm ba wĭt klei tŭ dưn./.