Hlăm mlan đru kơ mnuih knap mñai thŭn anei, mphŭn mơ̆ng hruê 1/5 truh kơ hruê 31/5, kluôm Êpul gĭr đru kơ 100 êbâo anôk đru kơ mnuih knap mñai. Ti knăm anei, Khua lăn čar jing êjai Võ Thị Ánh Xuân yap leh 300 hnư đru hriăm hră mâo ênoh 300 êklăk prăk kơ phung hđeh mnuih djuê ƀiă gĭr hriăm thâo ti čar Điện Biên.
Êpul gru bi kal hrah Việt Nam ăt čih yap, bi mni kơ dŭm êpul, anôk bruă duh mkra, mnuih đru lehanăn ƀuăn đru êbeh 480 êklai prăk. Ƀri gưl anei, Êpul gru bi kal hrah Việt Nam ăt gĭt gai mkŏ mjing sang mnia đru kơ mnuih knap mñai mkăp kơ 500 čô phung knŭk kna dlăng ba, mnuih dleh dlan ti čar Điện Biên dưi nao blei mnơ̆ng mâo mkăp hră hŏng ênoh 500 êbâo prăk/čô lehanăn mkŏ mjing Hdră myơr êrah, mtô mblang kơ bruă ba myơr tiê, kboh… hŏng klei hgŭm mơ̆ng hlăm brô 500 čô./.
Viết bình luận