Krông knông mâo boh taih giăm 190 km, găn 3 čar Lâm Đồng, Dak Lak leh anăn Dak Nông. Alŭ wăl mâo klei krưh hroh kjham hĭn ară anei ti kdriêk Krông Knô, čar Dak Nông. Hluê si klei tĭng mkă mơ̆ng kdriêk Krông Knô, mơ̆ng thŭn 2010 truh kơ ară anei, ktuê hang krông Knô mâo 18 anôk klưh hroh, hŏng boh taih hlăm brô 10km, êbeh 122ha anapla mjing ktuê hang krông mâo klei êa đung đuê̆.

Klei kdưh hroh ti alŭ wăl anei ăt dôk dleh dưi ksiêm dlăng leh anăn ka mâo klei dei. Êpul ngă bruă tal anei mơ̆ng anôk bruă ksiêm dlăng kơ lăn Việt Nam nao ksiêm dlăng klei klưh hroh lăn hluê si klei gĭt gai mơ̆ng Khua phŭn bruă ngăn dŏ leh anăn wăl hdĭp mda čiăng đru kơ 2 čar Dak Nông, Dak Lak bi klă phŭn agha leh anăn mâo hdră êlan mgaih msir.