VOV4.Êđê- Lŏ dơ̆ng hlăm klei bi kƀĭn tal 21, hrue 17/3, Dhar bruă gĭt gai bruă kƀĭn ala mă leh klei blŭ kơ klei čih mkra hdră bhiăn klei kơ sang dôk lŏ mlih mrâo.

VOV4.Êđê- K’iăng khua knŭk kna Trần Lưu Quang, jing khua kiă kriê Êpul Gơ̆ng bi mguôp bruă mjuăt bi hriăm klei bhiăn mơ̆ng gưl dlông kiă kriê klei bi kƀĭn.

VOV4.Êđê- Čar Bắc Kạn mâo ênhă dliê hrông êbeh 272 êbâo ha, hlăm anăn mâo lu ênhă dliê êdrah, dliê Knŭk kna mkuôm dôk mâo mnuih ƀuôn sang răng kriê, răng mgang. Ƀiădah, mâo sa boh sĭt jing ênoh prăk đru kơ bruă kriê dlăng, răng mgang dliê knŏng mâo mă ƀiă, ngă kơ mnuih ƀuôn sang amâo mâo dưi bi djăp kơ klei hdĭp.

VOV4.Êđê- Êpul hgŭm ƀĭng ngă lŏ hma čar Dak Lak ară anei mâo 190 êbâo čô, hlăm anăn mâo 12.152 čô jing đảng viên, bi knar hŏng 6,4%. Lu phung đảng viên bi êdah bruă klam ba anăp hlăm bruă mkra mjing mnia blei, gĭr đru kơ phung mkăn mă bruă, đru mguôp mkŏ mkra krĭng ƀuôn sang mrâo, đru kơ klei êđăp ênang ala ƀuôn.

VOV4.Êđê- Knhal jih hruê kăm êgao, Êpul mă bruă mơ̆ng Phŭn bruă ngăn dŏ leh anăn Wăl hdĭp mda mâo leh mmông mă bruă hŏng Knơ̆ng bruă sang čư̆ êa dŭm čar Lăn Dap Kngư leh anăn dua čar Ninh Thuận, Bình Thuận mă klei blŭ mguôp yang ƀuôn hŏng hră čih Hdră bhiăn lăn ala (lŏ mlih mrâo) ti čar Gia Lai.

VOV4.Êđê- Êpul bi ala bruă kƀĭn ala Việt Nam mơ̆ng k’iăng khua bruă kƀĭn ala Trần Thanh Mẫn ba anăp nao hgŭm leh hlăm knăm pŏk Klei kƀĭn prŏng Êpul gơ̆ng ƀĭng hgŭm nghị viện tar rŏng lăn (IPU) tal 146 ti ƀuôn prŏng phŭn Manama, ala čar Bahrain.

VOV4.Êđê- Leh giăm 40 thŭn mlih mrâo, ala čar drei mkŏ mjing leh wăl klei dưi yuă lăn (lăn lŏ hma, anôk bruă tuh tia, mnia mblei, lăn ƀuôn prŏng leh anăn krĭng ƀuôn sang). Lăn adôk nao mbĭt hŏng klei dưi yua lăn ti ƀuôn prŏng, wăl duh bi liê rŭ mdơ̆ng sang dôk, adŭ bruă, sang jưh, anôk hiu čhưn ênguê, anôk mdei msăn, tač hlăp gold…đĭ kyar krang.

VOV4.Êđê- Hruê mbruê 9/3, Phŭn bruă klei mrâo leh anăn hâo hưn mbĭt hŏng Êpul bruă klei đăo knŭk kna bi mguôp mkŏ mjing klei ba mdah Hdruôn hră kô̆ “Klei đăo leh anăn dŭm hdră êlan klei đăo ti Việt Nam”.

VOV4.Êđê- Êpul khua kiă kriê bruă duh mkra mkŏ mjing leh klei mă bruă hŏng Phŭn bruă ngăn dŏ wăl hdĭp mda čiăng hmư̆ klei hâo mdah kơ bruă čih mkra klei bhiăn lăn ala lŏ mlih mrâo, kơ ya mta bruă mă klei blŭ mơ̆ng mnuih ƀuôn sang.

VOV4.Êđê- Hruê mbruê 8/3, bruă sang čư êa čar Dak Lak mkŏ mjing klei kƀĭn trông mă klei blŭ mơ̆ng mnuih ƀuôn sang hŏng hdră klei bhiăn lăn ala (mkra mlih).