Thŭn anei, mâo 62 čô hđeh mnuih djuê ƀiă čar Daklak mâo leh klei tŭ jing prŏng hlăm klei hriăm ti dŭm boh sang hră gưl krah, gưl prŏng hlăm kluôm ala mâo klei tŭ jing. Blŭ hrăm ti anôk mpŭ mni anăn, Y Biêr Niê, K’iăng khua bruă Đảng čar Daklak hơêč hmưi lehanăn myưng m’ang kơ klei tŭ jing mơ̆ng phung hriăm gưl prŏng.

Lehanăn čang hmăng kơ diñu lŏ dơ̆ng ktưn hĭn mjuăt knhuah dôk dơ̆ng ƀơ̆ng huă, ba wĭt klei tŭ dưn hlăm klei hriăm, đăo knang kơ klei Đảng kiă kriê, hdră êlan mơ̆ng knŭk kna, dưn yua jih knhuah gru thâo bi mguôp djuê ana, jih ai tiê rŭ mdơ̆ng ƀuôn sang đĭ kyar mdrŏng ktang. Lehanăn dŭm gưl bruă Đảng, bruă sang čư̆ êa, bruă mặt trận, lehanăn dŭm êpul bruă kđi čar – yang ƀuôn lŏ dơ̆ng ngă dŭm hdră êlan mơ̆ng Đảng, knŭk kna hŏng krĭng mnuih djuê ƀiă, lehanăn čư̆ čhiăng, boh nik hdră êlan duh bi liê kơ bruă sang hră mơar, mđĭ klei thâo kơ mnuih ngă bruă hlăm alŭ wăl./.