Anei jing gưl đru tal 2 hlăm thŭn 2023 mơ̆ng keh ngăn prăk công đoàn. Knơ̆ng bruă ba mdah leh Klei bi mklă hdră đru kơ phung đoàn viên công đoàn, mnuih mă bruă truh 145 êklai prăk. Klă klơ̆ng, mnuih mă bruă bi hrŏ mmông ngă bruă grăp hruê, bi hrŏ ênoh hruê mă bruă hlăm hruê kăm amâo dah hlăm mlan; mdei bruă mơ̆ng 14 hruê kơ dlông mâo hnư hrui wĭt ƀiă hĭn hlăm hră m’ar kuôl kă dưi đru 1 êklăk prăk.

Mnuih mă bruă mjưh mdei klei kuôl kă ngă bruă, mdei bruă amâo mâo prăk mlan mơ̆ng 30 hruê kơ dlông dưi đru 2 êklăk prăk. Mnuih mă bruă luič bruă mă amâo mâo djăp klei găl dưi đru Ênua luič bruă mă dưi đru 3 êklăk prăk. Hdră mtrŭn anei amâo ba yua hŏng mnuih čŏng pô mdei bruă, mâo anôk bruă suôt bruă amâo dah mâo sa tĭng čŏng lui klei kuôl kă mă bruă, mnuih dôk ƀơ̆ng prăk mlan mdei bruă, mnuih luič ai mă bruă. Hdră tŭ mă hră m'ar bi mklă dưn hdră mtrŭn anei dưi hluê ngă mơ̆ng knhal jih mlan 8 truh kơ mlan 12 /2023 lehanăn hnui êdi hlăm hruê 31/1/2024. Gĭr hluê ngă hdră đru anei hnưi êdi êlâo kơ hruê 31/3/2024.